وكتبت لما: "هناكل كباري، ونتعالج كبارب، ونتعلم كباري أصلنا". وسخرت سومة عبدالقادر: "طالبة معاه كباري، تقريبا معمولة عمل على كوبري، طيب حد من المعيز يفهمه إن الحياة مش كلها كباري، فية صحة وتعليم وتنمية زراعية واقتصادية، وحاجات حلوة كتير". وتساءل محمد سرور: "كلها كباري؟! مفيش مستشفى مفيش مدرسة!! آه صحيح "ويعمل إيه التعليم في وطن ضايع". ووجه له خليفة طلبا: " @AlsisiOfficial بتتفقد مشاريع كباري وغيره، طيب مش تروح تشوف المستشفيات والمراكز الطبية، والممرضين والدكاتره أحسن يا سيسي؟". وجه حاتم تساؤلاً آخر: "نفسي أعرف هو إيه مقياس النجاح عند السيسي؟ يعني تبقى كارثة لو صور شوية كباري، وكام عمارة من العاصمة الجديدة ويقولك هو ده الإنجاز وهو ده النجاح! ". وشاركت حنان بأمنية: "عقبال ما نتفقد حال المستشفيات، والناس اللي شغالة فيها، الرئيس #السيسي راعي الكباري فى مصر #السيسي". وكتب حساب باسم "وطن يعني سجن": "سؤال بجد .. هو فيه رئيس جمهورية مافيش وراه غير مشاريع الطرق والكباري ؟!!! مفيش صناعة ؟!! مفيش زراعة ؟!! مفيش تعليم ؟!! مفيش صحة ؟!! مفيش فايدة". وسخرت ميرا: "ياسطى تعرف حاجه اسمها مستشفيات ياسطى؟، هل ممكن تتفقد المستشفيات وتشوف طلبات الدكاترة ياسطى؟، هل ممكن ده يحصل بدل ما أنت عمال تلبسنا ف كباري ياسطى؟ الكباري مش هاتنفعنا حاليا لأننا بنموت، الفيروس ينتهي بس ولبسنا كباري براحتك، وهانقول الله وعظمة وكل حاجة ياسطى. #كورونا #وزارة_الصحة".
باريس...افتتاح اكبر مؤتمر دولي حول المناخ
