4 أطفال حطموا نظرية أمن السيسي: خطف وقتل وأسرى!

وسخرت يمنى عاشور من الأمن المصري: "‏باشا... نعم؟ أنا أولادي اتخطفوا عاوز أعمل محضر.. لازم يعدي 24 ساعة ع الخطف عشان نعمل محضر... باشا العيال اتقتلوا ولسا 24 ساعة معدوش... أطفال الدقهلية... حسبنا الله في الظالمين. #تويت_فلسطيني".

وطالب "عربي": "‏كل الناس بترغي في الكلام الفاضي وسايبين أهم قضية... قضية أطفال الدقهلية لازم محاكمة شعبية علنية لقتلة الأطفال".

وغردت إيمان عواد: "‏أنا بجد في حالة حزن كبير على الطفلين اللي اتقتلوا في الدقهلية.. هوه ده الأمان اللي صدعونا بيه؟ كل يوم أطفال بتموت.. ايه ذنب طفلين يكونوا ضحية في العيد.. الخطف والقتل بقى أسهل من النشل في الأتوبيس.. يا رب احمي أطفالنا من شرنا".

وطالب أكثر من مغرد: "‏الإعدام لقاتلي الطفلين محمد وريان.. أبناء ميت سلسيل في محافظة الدقهلية.. حسبي الله ونعم الوكيل.. أطفال مصر مستقبلها.. أطفال مصر خط أحمر.. لو الحكومة مش هتقدر تحميهم يبقى تستقيل لو مجلس النواب مش هيقدر يغلظ العقوبة يبقى يستقيل.. لو مش هنعرف نحمي ولادنا يبقى نموت أحسن".

وعن طفلي الناشط وعضو التيار الشعبي سامح سعودي، غرد مصطفى مرعي: "‏خطف زوجة سامح سعودي وأبنائه لحين قيامه بتسليم نفسه والإفراج عنهم هذا فاق كل الحدود. #معصوم_مرزوق".

وكتبت "خالتي نزيهة": "‏قالك ايه بقى؟ تم إطلاق سراح زوجة سامح سعودي وطفليه بعد استجوابهم وسؤالهم على سبيل الاستدلال ولا صحة لاحتجازها والأطفال القصر كما أثير على مواقع التواصل.. آه طبعا لما تاخدوهم غصب عنهم وما تفرجوش عنهم الا لما الأب جالكم بنفسه يبقى لا صحة اطلاقا.. انضم يا بابا لأختك نوال السعداوية".

وقص محمود عامر القصة: "‏اعتقلت قوات الأمن صباح الخميس السفير معصوم مرزوق، الدكتور يحيى القزاز، الدكتور رائد سلامة وإعتقال زوجة وأولاد سامح سعودي، للضغط على سامح لتسليم نفسه، وهناك أخبار أن سامح تمت متابعة تليفونه واعتقاله وغير معلوم حتى الآن مكان القبض عليهم أو جهة التحقيق المسؤولة. #اللهم_ثورة".

وكتب علي البيادي المعروف: "‏حد كاتب تويت وبيشبه النظام بالاحتلال وكاتب القبض على زوجة الناشط المعارض سامح سعودي وطفليه لإجباره على تسليم نفسه، ربنا يفك كربهم؛ بس هدي أعصابك.. في مكان يقال عليه سيناء رغم العادات والتقاليد يقبضون على الحريم في المدرعات ليلاً لنفس الغرض ولا حياة لمن تنادي".

ووصف نزار سمير الحدث: "‏الأمن اعتقل الزوجة والأطفال إلى أن ما قام الأب بتسليم نفسه.. سلم وأستلم .. (منطق عصابات).. القسم أطلق سراح زوجة سامح سعودي وأولاده بعد القبض عليه..".

وغردت الناشطة منى سيف: "‏اخدوا الزوجة والأطفال لحد ما الأب يسلم نفسه.. سلم واستلم! شغل عصابات! القسم أطلق سراح زوجة سامح سعودي وأولاده بعد القبض عليه".

وسخر ياسر عصام: "‏‎#معصوم_مرزوق في عملية تبادل أسرى ناجحة أفرج النظام عن زوجة وأطفال ‎#سامح_سعودي بعد ما سلم نفسه!! تحيا مصر".